Umugore w’imyaka 69 wo mu Bubiligi yatahuwe ko yamaze umwaka wose aryama iruhande rw’umurambo w’umugabo we w’imyaka 73 bari bamaranye imyaka 10 wapfuye urw’ikirago [urupfu rusanzwe] hakaba hashize umwaka.
Ibi byamenyekanye nyuma y’uko ubukode bw’inzu butishyurwaga, nuko ubwo nyir’inzu yashakaga kwirukana umugore we wayibagamo atahura ko abana n’umurambo w’umugabo.
Ikinyamakuru La Derniere Heure cyatangaje iyo nkuru cyashyize ahagaragara amafoto ateye ubwoba kuyareba, umurambo wa nyakwigendera warumye, afite mu maso hananutse cyane n’ubwanwa burebure.
Ubushinjacyaha bw’umujyi wa Bruxelles bugiye gutangira iperereza ryimbitse kugira ngo ukuri kuri ikibazo kujye ahagaragara.
Abantu bibaza impamvu uyu muntu atashyinguwe niba ari uko umugore yamukunda cyane cyangwa niba yarabuze ubushobozi bwo kumuhambisha, ukuri kuri ibi kuzamenyekana nyuma y’iperereza.
Nshimiyimana Leonard
Source: kigalitoday
