 Imyaka 20 irashize! Abana bari bafite imyaka icumi icyo gihe ubu ni ababyeyi, naho bakuru babo bari muri za makumyabiri ubu bamwe baruzukuruje! Yagiye yihuse, yagiye k’ uburyo butunguranye, yagiye Abanyarwanda bakimushaka. Yari Umubyeyi w’ u Rwanda, yari umuhuza w’ Abanyarwanda, yari inyangamugayo, akaba Ruticumugambi. Uwo nta wundi ni Jenerali Majoro Yuvenali Habyarimana wayoboye u Rwanda kuva mu 1973 kugera 1994.
Kuki izina Yuvenali Habyarimana ryanze gusibangana mu mitima n’ ubwonko by’ Abanyarwanda n’ abanyamahanga, ahubwo rikarushaho kugira ingufu uko iminsi yicuma yegera imbere? Burya nta wumenya undi kurusha uwo basangiye, uwo babanye, uwo yibarutse cyangwa se uwo yahetse.Benshi mu rubyiruko, cyane cyane abavutse muri za ’90 ndetse na nyuma yaho bahora bibaza bati uwo Yuvenali Habyarimana wapfuye igihugu kigacura umwijima, imiborogo igataha mu mpinja, incuke n’ ababyeyi, intimba zigasasa mu mitima y’abasigaye none imyaka 20 ikaba ishize yari muntu ki?
Ni muri urwo rwego, nyuma yo gusabwa n’ abasomyi ndetse n’ abakunzi benshi b’ Ikaze Iwacu kubacukumburira ubuzima bw’ uwahoze ari Perezida wa Repuburika Yuvenali Habyarima, twegereye umwe mu bana be maze amutubwira birambuye mu kiganiro cyamaze amasaha arenga 5 tuzagenda tubagezaho mu byiciro bitanduakanye. Turabashishikariza kuzagisoma cyose kuko kirimo ibintu byinshi kandi bitangaje benshi batari bazi k’ ubuzima bwa Nyakwigendera Yuvenali Habyarimana. SOMA INKURU YOSE | |
