Ishyaka PDP – Imanzi (Pacte Democratique du Peuple Imanzi) riravuga ko ribangamiwe n’ ubuyobozi bwa MINALOC bwabambuye icyemezo bari barahawe n’ akarere ka Gasabo cyo gukoresha inama yabo (kongere).
Mu itangazo rigenewe abanyamakuru (dufitiye copy) bashyize ahagaragara, barasaba Minaloc kwisubiraho bakabemerera bagakoresha inama yabo nk’ uko umuyobozi w’ akarere ka Gasabo Ndizeye Willy yari yabemereye urwo ruhushya.
Umuyobozi w’ ishyaka PDP – Imanzi Karangwa Semushi Gerard
Mu kiganiro kuri telefoni ye ngendanwa na Imirasire.com, Karangwa Semushi Gerard Perezida w’ iri shyaka yavuze ko inama bashakaga yari iyo gushinga ishyaka ryabo ku mugaragaro no gukora ku buryo buzwi.
Abajijwe icyo azakora nibakomeza kwangirwa, yavuze ko we n’ ishyaka rye bazaterana bakarebera hamwe icyakorwa kugira ngo barenganurwe.
Iyi niyo nyandiko yasohowe n’ ishyaka PDP – Imanzi
Tubagejejeho iyi nyandiko mu gihe rugikomeje kubakurikiranira iby’ iyi nkuru, ndetse n’ icyo ubuyobozi bwa MINALOC bubivugaho, tukazabibagezaho mu nkuru yacu itaha.
Alphonse Munyankindi – Imirasire.com