Umuvugizi wa Polisi y’u Rwanda, ACP Damas Gatare, yatangaje ko Perezida wa Repubulika y’u Rwanda ashingiye ku bubasha ahabwa n’amategeko, cyane cyane Itegeko Nshinga rya Repubulika y’u Rwanda mu ngingo yaryo 113 agace ka 7 yashyize mu myanya y’ubuyobozi bwa Polisi y’u Rwanda Lt Col Juvenal Marizamunda na ACP Jean Marie Vianney Twagirayezu.
Lt Col Marizamunda wari mu Ngabo z’Igihugu yimuriwe muri Polisi y’u Rwanda ahabwa ipeti rya “Deputy Commissioner General OF Police” (DCGP), agirwa Ensipegiteri Jenerali Wungirije Ushinzwe Ubutegetsi n’abakozi (DIGP A/P).
Naho Assistant Commissioner of Police Twagirayezu yagizwe Komiseri ushinzwe iperereza muri Polisi y’u Rwanda.
Source: Igihe.com |
