Ishyaka PSD ryitandukanyije n’abari abayoboke baryo bagize uruhare muri Jenoside riboneraho no gusaba imbabazi Abanyarwanda bose muri rusange n’abakorewe Janoside by’umwihariko.
Uyu ni umwe mu myanzuro yafatiwe mu nama ya Biro Politike y’ishyaka riharanira demokarasi n’imibereho myiza y’abaturage (PSD) yateranye tariki 21/12/2013 iyobowe na Perezida wayo, Dr Vincent Biruta.
Mu yindi myanzuro yafatiwe muri iyo nama harimo kwiyemeza gukomeza ibiganiro kuri gahunda ya “ndi Umunyarwanda” mu mwiherero wihariye no kuyigeza ku bayoboke ba PSD mu nzego z’ibanze.
Hari kandi Kugira gahunda ya “Ndi Umunyarwanda” iyabo kuko ngo ari gahunda nziza ihuza Abanyarwanda bose mu nzira y’ubumwe n’ubwiyunge.
Abagize Biro Polikike ya PSD kandi bishimiye uko amatora y’abadepite yabaye muri Nzeri 2013 yagenze banishimira umusaruro ishyaka PSD ryabonye; nk’uko itangazo ryashyizweho umukono na Perezida wa PSD ribigaragaza.
Kigali Today