Birababaje ko Jeannette Kagame yemera ko Kantengwa agaraguzwa agati areba!
Niba koko Jeannette na Paul Kagame birirwa bigamba ko bazamuye abategarugori, bagobye kwemera ko byose atari shyashya. Ubu koko babona Angelique Kantengwa yabacikira he? Nibareke aburane ari hanze nkuko baretse Ingabire Victoire mu minsi ya mbere.
Mu bibazo aba banyamakuru ba Flash FM bibaza muri iyi audio bifite ishingiro. Nubwo barega ko Kantengwa yatanze amasoko binyuranije n’amategeko, ntabwo yabikoze wenyine kuko n’abandi bari kumwe nawe muri board barasinye kandi bo baridegebya nta nubwo polisi ibakurikiranye.
Igihe kirageze rero ngo Jeannette Nyiramongi akoreshe ingufu afite asaba umugabo we kureka Kantengwa akaburana ari hanze cyane cyane kubera uburwayi bwe. Nibiba ngombwa afungire amazi umugabo kugeza avuye kw’izima! Kandi niba bitabaye ibyo amazina nka NTAMPUWE, NTAMBABAZI azabakurikirana ubuziraherezo. Ese muzajya mufunga gusa nta kubabarira. Dore lisiti imaze kuba ndende:
1. Pasteur Bizimungu
2. Deo Mushyihidi
3. Victoire Ingabire
4. Bernard Ntaganda
5. Kizito Mihigo
6. Angelique Kantengwa
7. Kizito Mihigo
8. Joel Mutabazi
9. Gen Rusagara
10. Col Tom Byabagamba
11. David Kabuye
.
.
Birababaje kubona turutwa n’Abarundi bo tumaze iminsi twumva ngo hari abo bafunguye. Nta gushidikanya ko kutemerera ko Kantengwa aburana ari hanze bituma Kagame n’umugore we bagaragara nabi ku banyarwanda benshi bashyira mu gaciro. Reka turebe ko nibura bazinyara mw’isunzu iki cyumweru taliki ya 27 Gashyantare 2015 barekura Kizito Mihigo bashingiye ku mbabazi yatse z’ibyaha atakoze.
