EXCLUSIVE: COMANDA WA POLICE YA RUKARA YARAYE ATEWE BARAMUSAHURA BANAHASIGA IMBUNDA NA GRENADE 2
Mu ijoro ryo kuri uyu wa gatandatu tariki ya 21rishyira kuwa 22 Ukuboza 2013, Komanda wa Polisi ya Rukara yaraye atewe n’abagizi ba nabi aho afite urugo I Kabuga.
Amakuru dufitiye gihamya avuga ko muri iki gicuku, mu rugo rwe ruherereye I Kabuga mu karere ka Kicukiro, Komanda wa Polisi station ya Rukara mu karere ka Kayonza yaraye atewe n’abagizi ba nabi.
Grenade
Mu kiganiro tumaze kugirana kuri telefoni n’uyu mukomanda utashatse kuvuga amazina ye ku mpamvu z’umutekano we, yavuze ko koko icyo gikorwa cyo guterwa cyaraye kibaye ubwo we yari mu kazi I Rukara. Abamuhaye aya makuru bavuga ko abamuteye bamusenyeye inzu baranamusahura inzu barayeza barangije basiga ibikoresho bya gisilikare birimo imbunda na grenade 2.
Mwiseneza Urbain Umuvugizi wa Polisi mu Mujyi wa Kigali aremeza ko Komanda wa polisi ya Rukara yaraye atewe n’abajura
Mu kiganiro tumaze kugirana n’umuvugizi wa Polisi mu Mujyi wa Kigali, Urbain Mwiseneza, yavuze koko uyu komanda yaraye atewe. Arahakana ko nta bikoresho bya gisilikare byasigaye muri uru rugo.
Aremeza ko abateye muri uru rugo ari abajura kandi ko bakiri gukurikiranwa ngo batabwe muri yombi. Akaba yirinze gutangaza amazina ya Komanda wa Polisi ya Rukara kubera ko bitewe mu mategeko ya Police gutangaza amazina y’umuntu wagiriwe nabi mu gihe bikiri mu iperereza
Alphonse Munyankindi – imirasire.com